MWALIMU ATUHUMIWA KUMBAKA MWANAFUNZI WILAYANI SENGEREMA.

Na, Paulina Mpiwa, Sengerema Mwanza.

Mwalimu   mmoja   amefikishwa   katika   mahakama   ya   wilaya   ya   sengerema   mkoani   mwanza    kwa   tuhuma    ya   makosa   mawili   likiwemo    la   ubakaj.

Akisoma   mashitaka   yanayomkabili   mbele   ya   hakimu    wa    mahakama    hiyo    BI   MONIKA   NDYEKOBORA   mwendesha   mashitaka   wa   jeshi   la    polisi   INSPECTA   MARTHA    SLIVESTA   amemtaja   mshitakiwa   kuwa   ni   OSKA   MKANDYA   alimaalufu   kwa   jina   la   JOHN   ambaye   ni   mwalimu   mwenye    umri    wa   miaka   24   mkazi   wa  KASISA wilayani  hapa.

INSPECTA   MARTHA   amesema   kuwa  mshitakiwa   anashitakiwa   kwa   makosa   mawili  kosa   la   kwanza   ni  kubaka   kinyume   na   kifungu   130  na  131   cha  kanuni   ya   adhabu   mnamo  tarehe   isiyojulikana  kati  ya   mwezi   wa  9  na  10   mwaka   jana  majira   ya   saa  12:00   jioni  katika    eneo   la   kasisa  wilayani   hapa     mkoa   wa   mwanza  alimbaka  msichana   ambaye   jina   lake   limehifadhiwa    mwenye   umri   wa   miaka    17 mwanafunzi   wa  sekondari  kidato  cha   tatu.

Kosa   la   pili   anashitakiwa  kwa  tuhuma  ya  kumpatia  ujauzito mwanafunzi huyo   na kumsababishia  kushindwa   kuendelea   na   masomo   yake.

Hata  hivyo   mshitakiwa   amekana   kutenda   makosa   hayo  na     amerudishwa   rumande  kwa  kushindwa kutimiza   mashariti   ya  mahakama    hadi  februari   23  mwaka   huu,  kesi  hiyo  itaendelea   kusikilizwa mahakamani   hapo.

Posted by Correspondent Dodoma

Tweet