JELA MIAKA KUMI KWA KUANDAA SUMU KWA AJILI YA KUUA SENGEREMA.

Na, Paulina Mpiwa,Sengerema Mwanza.

Mahakama    ya    wilaya   ya   sengerema   mkoani Mwanza  imemuhukumu   mtu   mmoja kwenda  jela   miaka   kumi    kwa   makosa   mawili   likiwemo   la  kuandaa  sumu   kwa   nia   ya  kufanya   madhara.

Akisoma  shitaka   linalomkabili   mbele    ya   hakamu    wa   mahakama    ya    wilaya  hiyo  BI   MONIKA   NDYEKOBORA    ,mwendesha   mashitaka   wa   jeshi   la   polisi   INSPECTA   SILIVESTA   MWAISEJE   ,amemtaja   mshitakiwa   kuwa   ni  CHARLES   JOHN     mwenye    umri    wa   miaka   22   mkazi   wa   Nyitundu wilayani Sengerema.

INSPECTA   MWAISEJE   amesema   kuwa   mtu huyo   anashitakiwa   kwa   makosa   mawili  kosa  la   kwanza    ni   kula   njama   kwa    nia  ya   kutenda     kosa  kinyume    na   kifungu  namba   382   cha   kanuni   ya   adhabu   kuwa   mnamo   februari   9  mwaka  huu   majira   ya   saa   3:00   asubuhi   huko   katika   maeneo   ya   misheni   wilaya   ya  sengerema   mkoa   wa   mwanza   walikula   njama   na  mwenzake   ambaye   hajakamatwa    kwa   nia   ya  kumuua  Bw.  CHARLES   MADEBELE.

Kosa   la   pili   ni  kuandaa  sumu   kwa   nia   ya   kufanya   madhara    kinyume   na   kifungu   namba   227   cha   kanuni   ya   adhabu   kuwa   CHARLESI    JOHN   kwa   makusudi   aliandaa   sumu  na   kuiweka   katika kinywaji aina ya soda    ya    pepsi    kwa   nia   ya   kumuua   CHARLES   MADEBELE.

Hata   hivyo    mshitakiwa    amekili   kutenda   makosa   hayo   na  mahakama   imemtia   hatiani    kwa   kutumikia  kufungo cha  miaka   kumi   jela.

Posted by Correspondent Dodoma

Tweet